Reyhan Kang Nelangsa

“Reyhan Kang Nelangsa”

Anugrah Hyang P (08)

Reyhan Mahadika (30)

                Reyhan iku jenaka sing gurung nemokake jodho. Reyhan kuwi arek Sawojajar, lanang, awake loyo gak neko-neko. Uripe peteng, suram, lan sunyi. Rekor murine ditolak wadon ngalah-ngalahi Udin Gambutz.

                Ing sawijining dina, Reyhan nduweni tekad kang teguh gawe golek jodho sak onoke. Kabeh cara dilakokake saka jungkir walik, renang ing ngliyep, shadaqah nang masjid, nyambangi makam e Mpok Nari, sesajen bacem, lan sapanunggalane.

                Sawise kabeh cara dilakokake, Reyhan dikandhani kancane yen ana biro jodho termujarab ing kutha Malang. Reyhan tanpa pikir dawa langsung mancal menyang omahe biro jodho kuwi. Sampek ndek kono, Reyhan ditakoki marang biro jodho.

Biro Jodho:  ”Tujuanmu mrene pasti golek jodho.”

Reyhan:  “Loh sampeyan kok eroh ,Mas. Sakti tenan yo sampeyan”

Biro Jodho: “Sakti kan aku?”ujar mas biro jodoh mau. (iki kan panggon biro jodho yo mesti mrene gawe golek jodho) ucape biro jodho ing jero ati kang ngesakno marang kebodohane Reyhan.

Reyhan: “Mas, golekno aku jodho sak onoke!”

Biro Jodho: “Sik-sik tak golekno. Ing itungan 1,2,3 jodhomu bakalan teka ndek ngarepmu.”

Reyhan: “Endi Mas?”

Biro Jodho: “Aku jodhomu, lope you!”

Reyhan: “Gak kolu, mas!”Ujar Reyhan keweden lan mblayu kecirit-cirit dikejar marang Biro Jodho kuwi.

                Sawise seminggu tekan kedadean iku, Reyhan ngurung awake nang njero kamar. Nafsu mangane mudun tekan telu kali dadi seperpapat kali sedina. Matane sing biasane ngantukan dadi melekan saiki. Kanca-kancane akeh sing nyambangi lan ngejak dolan nanging Reyhan pancet terpuruk.

               

Amarga stres kang numpuk, Reyhan golek udara seger mlaku-mlaku nang CFD. Mripate Reyhan kang binar mendelengi mripate kang endah kuwi, Wadon kuwi mendelengi Reyhan pisan. Atine kesensem marang paras wedok kuwi lan Reyhan mesam-mesem ora jelas marang wadon kasebut (wadon sing dimaksud kuwi artis wadon sing ono ndek stiker). Bapak-Bapak sing dodolan stiker ngerasa prihatin lan ngewenehi stiker iku gratis marang Reyhan.

Sawise ndek omah, Reyhan nempleki kabeh Stiker Artis Wadon mau ndek sampinge fotone. Amarga stiker koleksine wes akeh, Reyhan titik titik wes ngelalikno kedadean kang Na’as iku lan saiki Reyhan ngelanjutna uripe kaya biasane