Nesu

NESU

Fanny Rizka A (10)

Nadya Felia A (21)

Dino Sabtu pelajaran pertama ing sekolah yaiku pelajaran seni. Pak guru ngutus  ketua kelas nyatet anggota kelompok sing wis dibagi. Sak kelompok isine bocah  papat.Aku langsung milih kelompokku kaya biasae yaiku aku , Nadya, Azizah lan Regina. Ing bab anyar iki, pak guru ngewenehi tugas nggawe kolase saka kertas. Aku ora telaten nggawe prakarya ngono kuwi, nanging lek digarap bareng bareng iso nggawe ati seneng.

Aku:     He adhit, kelompokku tulisen yo . Aku, Nadya , Azizah, Regina

Adhit:   Loh lha Regina ora ana ngono…

Nadya: Waduh arek iku nang endi yoo..

Aku      : Ora apa-apa wis dhit tulisen wae , mesake..

Adhit    : Yo ora oleh ngono kuwi

Azizah  : Yo wis dhit ora usah dicatet jenenge

            Kahanan ing kelas dadi ruame amarga bocah-bocah bingung milih kelompok. Pak guru ngomong ing ketua kelas arep ngeprint ing koperasi sekolah. Panggone koperasi sekolah iku cedhak karo kantin sekolah .

Pak guru          : Regina,..

                          Kok lungguh-lungguh ora melu pelajaran

Regina             : Oh pak guru (karo tangane gemeteran)

Pak guru          :  Kowe bukane saiki pelajaranku seni ?

Regina             : Nggih pak, pangapunten.

                          Kula diutus Pak Yaya fotocopy nanging tasih ngerantos

Pak guru          : Oh ya uwis, mengko lek wes bar ndang bali menyang kelas yo

Regina             : Nggih pak.

Sawise bali menyang kelas, Regina bingung kenopo ing kelas kok ruame. Regina langsung takon menyang Azizah.

Regina             : Zah, ana apa iki kok ruame?

Azizah              : Arek-arek bingung milih kelompok

Regina             : Oh yowes, awakmu pasti wis nyatet jenengku kan

Azizah              : Asline maeng wis tak omongake ketua kelas, tapi ora diolehi amarga awakmu ora ana ing kelas

Regina             : ( meneng karo mbesengut )

Bel muni, pelajaran seni wis bar. Saiki wayah pelajaran matematika. Regina tetep wae mbesengut sampe mulih. Aku lan kanca-kanca ora wani ngomong apa-apa .

Sesoke..

Ing parkiran sepeda motor kok pas aku iki ketemu Regina , aku iso bareng menyang kelas tapi muka e tetep mbesengut kaya wingi. Dheweke tak sapa tapi malah ngegas banter sepedane langsung mlaku cepet-cepet menyang kelas. Aku ngeroso serba salah..

Sawise sampek ing kelas..

Aku      : Reg, awakmu kenopo toh kok mbesengut wae?

Regina : Ora apa-apa (njawabe karo sewot)

Azizah  : Awakmu apa ngamuk ora melbu kelompoke awakdewe?

Regina : Yo iyo tah, aku iki kan kancamu . Tapi awakmu kabeh ora peduli karo aku

Nadya : Ora ngono Reg, ketua kelas ora ngolehi nyatet jenenge arek sing ora ana ing kelas

Aku : Awakmu nang endi toh Reg kok ora ana ing kelas?

Regina : Yo awakmu kabeh kan wis eroh toh aku ora seneng pelajaran seni. Dadi aku mbolos wae (njawabe karo nyentak)

Azizah : Yo wis Reg sepurane yo aku karo arek- arek lali. Mengko tak nyoba ngomong maneh marang ketua kelas.

Regina : Iyo , sesuk maneh ojo lali maneh ya

Aku, Azizah, Nadya : Iyoo….